2006北京滑雪遊記—出發前

大家姐前一個星期剛在香港。回北京時有些東西帶不了﹐叫我帶過去。以為很多﹐原來只有discman﹐一些泰國手信﹐和海味。discman小﹐但盒大。很久沒有帶旅行箱出門。用旅行箱放東西實在是較方便又夠空間。不過冬天出門﹐要帶的衣服實在是佔地方。我又要帶滑雪鏡、手套、褲等等。到最後箱子還是擠得很。怕太擠會把拉鍊擠壞﹐要不然背囊可以更輕鬆。

VirtualChips用得喇‧著乜衫

VirtualChips用得喇。係就係好簡單。想整到可以入人名，顯示邊個做莊等等。最重要係要睇吓點樣擺到入手欚。
http://www.geocities.com/kafailo/krow/VirtualChips/online/as_jar.html
VirtualChips係我嘅KROW計劃重返人間第一支擊。KROW者﹐Keith' Reinvention Of the Wheel也。KROW在零零、零一年間出現過﹐嗰時有埋Logo。唔知個file重在唔在。
對南山嘅雪況愈來愈唔樂觀。網上Ｄ相﹐陽光充沛。淨係得條道有雪﹐貼住側邊個山就光禿禿。今次實撻死。
我件羽絨艷紫色。嗰時有件灰色唔揀﹐特登揀件鮮色嘅﹐搞到依家唔係好想著。北京照計春天先至刮風沙﹐今日睇CNN天氣﹐零下兩度﹐三至四級風啫。細風嘅話﹐其實唔凍。最諗唔掂嘅係著乜野褲。著夏天褲會好凍﹐入面著多條褲又好麻煩。
星期六晚好精神，揸住枝筆開始寫〈我的２００５〉。用語體文架。寫咗兩版紙，都未講到三月。寫到兩點幾﹐其實重係好精神﹐但係由於劇情發展太慢﹐冇心機繼續。拿咗另一張紙列出０５年大事。張紙打直分開兩列﹐寫滿晒。寫落先知﹐原來最多嘢發生响四月。

有讀者、J2ME、Antibes同學

呢個blog意外地得到一個讀者﹐令我加添動力去寫。多謝P小姐。
朋友話有人打麻將唔用籌碼﹐開個Excel寫就得。而最近我又睇過D手機上嘅Java程式。尋睌諗起﹐不如寫個計分程式响手機上行﹐咁張「分紙」咪唔使放開一邊﹐而可以擺上枱﹐或者直情放入籌碼柜桶。諗落都幾方便。如果Memory限制唔太大嘅話﹐重可以自動計埋圈數添。個layout同工作流程尋睌一路跑一路諗。 跑完之後已經開始整個Swing嘅UI。我怕個UI太多Panel﹐响手機上行會太食Memory。
愈諗愈多feature可加。最好幫埋你計番﹕入副牌入去﹐佢話你知食幾多番。如果搞掂呢個﹐就可以搵資料寫埋個台灣牌同日本牌計法。
一月一日﹕收到在Antibes嘅同學嘅電郵﹐話二月開始會來香港住。唔係路過﹐係住啊。我覺得係份幾好嘅新年禮物。佢來香港…做空姐啊!我有空姐朋友啊!
去北京南山滑雪﹐究竟Ｄ雪會唔會硬如冰﹖或者﹐會唔會根本就一地都係冰﹖

Interpreter!

I improvised to act as consecutive interpreter for an interview with a Western African conference-goer. Very embarassed, as I didn't know exactly what he said. And I didn't know the word 'subsidy' in French. Took me minutes to describe it.

It was a sound-recording interview from UN radio. I think they will not use my sound-bit.

But I am really excited!

星加坡、馬來西亞之後

兩個地方俾我嘅感覺﹐都同我去之前心目中嘅印象唔同。個個都話星加坡好乾淨﹐地方好少。我就見到佢好企理﹐但唔係醫院嗰種冇人氣嘅一塵不染。話佢地方少﹐佢面積係細過香港﹐但係平地佢多過香港多多聲！周圍無啦啦都會有塊乜都冇嘅大草地；啲路又直又闊又長。
馬來西亞啲車路﹐一如Lonely Planet所講﹐質素好得很。市際巴士班次很多﹐車很舒服。我冇諗過嘅係﹕一個遊客在馬來西亞﹐基本上唔會受人埋身拉客。啲人係會問你「的士﹖」、「租電單車﹖」、「買手信﹖」。你話唔買﹐佢地就算﹐唔會chuer住你。我地朝早八點前就到達Pangkor島﹐想租單車﹐點知太早﹐Ｄ舖頭未開﹐淨係得電單車租。啲島民都好熱心話俾我地知邊到有單車租﹝雖然我地去過間舖頭﹐見到未開﹞。在條街行行企企等開門﹐一個半小時前見過﹐做租電單車嘅人咁啱又揸車經過﹐重叫我地去邊間舖頭﹐話間舖而家開咗啦咁。
馬來西亞好多獨立屋﹐鄉村地方啲屋都好企理架。周圍都係樹。啲樹好高。在金馬侖(Cameron Highlands) Jungle Trekking時可能走錯路﹐入咗叢林﹐啲泥好鬆﹐一枝竹輕輕插落地﹐成兩呎入咗去。啲泥一定好肥沃。

東南亞

我就來放假啦﹐可能去東南亞。下星期就係啦﹐仲未買機票﹐因為仲未決定去邊。

又去台灣

兩年之內去三次﹐有D厭。不過諗咗好多日都諗唔到放假去邊度好﹐去吓台灣點都好過
AU响屋企咁多日。買咗淨機票﹐有D唔抵﹐但係睇Lonely Planet見到cheap cheap 旅舍
嘅資料。啱啱用電郵訂咗一間單人房﹐500NTW。雙人房都不過係550咋。一個人去旅行
就係貴在呢度。如果間野亁淨嘅話就都好嘅。

睇過吓D人環島單車行嘅日記﹐似乎即使踩花蓮-台東呢段最平坦最好景嘅路﹐都需要好
多準備工夫。我諗我都只可以踩吓一日遊。

書

中央圖書館有本新書叫〈Cantonese as Written Language〉。個書名吸引咗我。掀過幾頁﹐都幾學術架﹐不過應該會有心機睇落去。可惜嗰日六個quota滿晒﹐唯有記低書名﹐遲啲借番。呢啲書冇可能會搶手嘅。

講開圖書館﹐本〈Justice Game〉我等咗怕有五個月﹐重係全部被借出或者預約咗。〈我的名字叫紅〉重勁﹐幾十本遍布港九各地都被人借晒。我又唔覺呢本書有好多人評論喎。

〈印刻文學雜誌〉都都唔知邊度買得到。洪葉又執咗﹐銅鑼灣樂文有呀﹐買緊零五年一月號﹗

抽到網球班啦

之前報過幾次網球班﹐維園同京士柏都試過。啲場咁旺﹐抽極都抽唔到。今次轉攻黃大仙﹐一次就中嘞。個場在亞洲電視隔住龍祥道（定呈祥道﹖）對面﹐睇地圖好似好近黃大仙地鐵站﹐於是求其報咗先算。後來搭車經過﹐似乎個場同地鐵站嘅距離﹐遠在腳程之外。
後日就係中籤者俾錢嘅限期。究竟要唔要呢個機會好呢﹖

有得放假﹐但去邊﹖

八九個月嘅非人生活過去咗嘞。終於拿到假期。拿一連五天假期唔算多啩﹐咁都充滿障礙。好似最好你永遠唔使休息廿四小時on call。
假期係定咗嘞。問題係﹐去邊﹖點過﹖點都唔會跟旅行團。一個人嘅package﹐貴好多。最麻煩嘅係﹐諗唔到邊到我最想去。