台南旅遊之後

好耐冇寫嘢﹐我要重拾我嘅推廣廣東話由我做起大計。

阿里山之遊﹐實在咪話唔驚。朋友個朋友啱啱攞咗車牌唔夠一個禮拜﹐就車咗我地上山。沿途碰到怕有十處山泥傾瀉﹐成半個山唔見咗。在墾丁就自己坐公車﹐我係都要去一去一個偏僻角落﹐為咗睇睇太平洋﹐結果見識到平生所見最大風浪﹐真係吹得郁個人。坐私家車就去到好多地方﹐好方便﹔坐公車就好困身。第一次覺得有架車真好。

最近買咗本書﹐講中國古典詩詞嘅﹐好好睇﹐好開心。每次睇幾頁﹐睇完都覺得自己同幾分鐘之前嘅自己唔同咗﹐唔再係同一個人咁。