老撾

去了老撾，又稱寮國，即是Laos，是東南亞唯一的內陸國家。沒有海，但有壯觀的湄公河。我沒有網上相集，只好挑幾張有趣的出來：人、建築．雕塑、路．風光、我。

南部（Don Dhet, Don Khon, Champasak, Don Daeng）人好友善，唔同地方嘅小朋友見到我踩單車都會大大聲叫，伸定隻手出來－－等我經過時拍拍手。尤其Don Daeng真係十家人有九家都會打招呼。

在Bolaven Plateau山區啲人就用好疑惑嘅眼神望我，就算有啲小朋友叫我都係細細聲，怕羞得多。

在Vientiane就係冷漠嘅城市人啦。

有啲村屋都幾簡陋，啲人應該都幾窮，但再窮的地方都唔污糟，冇話周圍垃圾，臭氣薰天咁。啲厠所直情可以用乾淨來形容。點解喺中國，包括香港，由窮到貼地到富貴嘅地方，啲厠所都及唔上人地老撾呢？

咖啡濃到極點，加上四分之一杯係錬奶，杯野真係杰杰地，超好飲！

泰國的火車同長途巴士嘅班次，只有始發時間係可信嘅。九小時嘅火車旅程遲到兩小時，另一個地方九小時嘅巴士都係遲兩小時。靠佢駁飛機死梗。