《行走中的玫瑰》閭丘露薇

午飯時間到圖書館﹐見到這本書﹐也不及翻看﹐只憑著作者的名字﹐便決定把書借下。看完了﹐讓我想想怎樣寫感想。或者﹐究竟會不會寫。

查壞你個腦

請去公立圖書館嘅終端機檢索呢個書名﹕《青年次語言字典》
有兩項檢索結果。查看第一項﹐一切正常。
查看第二項﹐

啊！
你整壞咗部機！

押韻

幾時開始啲歌詞興句句押韻﹖

以前啲金曲都唔係咁嘅。不過啱啱睇番阿SAM啲詞﹐都係句句押韻。所以阿SAM啲詞字面靚﹐但係唔好聽。佢唱得好唔好係另一回事。

打油詩同數白欖係句句押韻嘅﹐聽落啲聲困住困住﹐唔開揚。去到句中好似可以衝出去﹐點知到咗句尾又屈番落去。好似用條粗橡筋綁你條腰落燈柱﹐俾你走﹐去得幾遠﹖去到一定距離始終被扯番轉頭。你個勢就係得個sphere咁大。

絕詩第一句可押可唔押﹐第三句一定唔押。試吓改第三句押埋佢丫﹐悶死你。十四行詩係就係句句押﹐但係人地間住間住﹐例如有一種韻式係abab cdcd efef gg,即係一、三句押一個韻﹐二、四句押另一個韻。

其實間唔中先整句押韻來﹐先至收醒神之效架嘛。句句都押冇晒效果。

而家啲人填詞﹐係先填咗啲韻腳﹐先再諗吓句嘢可以講乜來fit番入個韻腳度。

三部曲

點解一系列嘅作品多數都係三部曲﹖點解係三﹖一定有歷史原因。就算有人發表咗一系列四件作品（譬如四個書名嘅第一個字組成一個成語嗰啲）﹐都冇人會叫個系列做四部曲。

幫曾寶儀開車門

曾寶儀响鏘鏘三人行大讚某男士（唔係佢男友）幫佢開車門﹐令佢覺得好受尊重。呢番話每日都有人講﹐原本唔值得提﹔令我意外嘅係連曾寶儀都咁樣講啊。佢間中會上鏘鏘﹐我對佢嘅印象全部都係來自呢個節目。我感覺佢係好關注女人嘅社會角色嘅。

因為一個人係女人而幫佢開車門﹐呢個行為將嗰個人係女性呢一面放响佢所有面向之前。「係女人」本身已經預設咗我要幫佢「開門」﹐本身先至係唔尊重嗰個人。高官、貴賓出入自然一樣有人幫佢地開車門。但係與其話係對呢個人嘅尊重﹐不如話係對個制度。佢係因為佢嘅身份﹐而唔係佢個人嘅本質而得到呢種待遇。

好多被認為係男士風度嘅行為﹐都係將一個個活生生唧女人表面化做「女性」﹐將一個身份變成一個不證自明嘅理由。同樣﹐「你係唔係男人來架﹖」呢啲說話都係。我並唔係為男人開脫﹐呢啲表面化一樣有加諸女人身上。點解女人﹐因為係女人﹐就要溫柔﹖要識煮飯﹖

點解連曾寶儀都鍾意有人幫佢開車門﹖究竟有冇女人唔係咁樣諗架﹖

我對一般人嘅回應係﹕因為我尊重你﹐先至唔幫你開車門﹔而對我提唔起嘅人﹐我就會笑笑口﹐好有風度咁做足全套。

我的2005

是晚了點。人家都忙著準備過農曆新年﹐我才想起要為去年紀錄一下。

記不起04-05的新年怎樣過。既然記不起﹐肯定是沒節目﹐在家無聲無息的過。

【一月】
新一年第一天上班便要到新環境。那時不知道﹐竟要在那裏呆七個月。初時覺得鰂魚涌不太遠﹐而且總算是帶著新鮮感。到底在別人地方﹐不方便帶飯。之後幾個月午飯都在外。在中環時總嫌椅子太大太深﹐新環境的椅子是最典型那種﹐就像其他辦公室的一般。起初覺得好﹐後來才知道問題所在。顯示屏跟眼睛的距離近多了﹐好一會兒才適應。正是適應了﹐表示眼睛又受損了。桌面比較高﹐滑鼠放在下面﹐手要吊高。同行中只有我的鍵盤架附有滑鼠桌﹐就在架的右邊可拉出一塊小平面。我移動滑鼠的幅度很大﹐那張小桌到撤退那天我仍不習慣。

一如以往﹐電腦搬了環境﹐總是有問題的。最早幾天十直在投訴連線很慢﹐如果連得上的話。那幾天沒有做過甚麼。後來為此也附出子代價。至於連線慢﹐我們最常用的那部機的FTP一直都沒有快過。一個月後﹐某一天早上發現完全不能對外連線。搞了半天﹐直的是半天﹐到午飯時才知道是因為客方忘記了繳上網月費！

那時我對weblogic是完全陌生的﹐連JSP也只是幾年前在一個project裏用過一點點。到鰂魚涌之前是做過幾個lab。做完也不知道學了些甚麼。只是不明白它為甚麼可以那麼大食。到現在還是不明白﹐但我猜它不是需要佔用多少電腦資源﹐而是它預設會佔用若干百份比的資源。不論你有1GB還是4GB的RAM。在鰂魚涌的日子﹐至少有三成是用在等server restart。

【二月】
前一年買了件wetsuit﹐5mm厚。還沒用過已經知道是太厚了﹐氣溫十度才合穿。不敢買大碼﹐怕太大的話不貼身﹐水在裏面流動﹐它就完全沒用了。在家試穿時覺得有點緊﹐要穿很久才穿得過袖筒和褲管。肩膊位也有壓力﹐幸好無礙呼吸。尺碼有分大中小﹐每一級再分大中小﹐即是有九級﹐算是十分細緻。也許大一級會較合身。

冷鋒到﹐風才大。既然有厚wetsuit﹐為了嘗新﹐也為了勿負大風﹐一個十度的下午﹐我到了西貢黃石。風大﹐浪也高﹐很好。wetsuit是厚的﹐可是手套是夏天的。我也不願買冬天手套。穿上厚手套﹐玩滑浪風帆時感覺不到帆的壓力。下水時偷懶﹐沒有做熱身。下了水還沒有一分鐘便丟帆﹐起帆時很困難﹐風把帆使勁向下壓。我自己聽到格勒一聲﹐尾龍骨痛得像給針刺。心裏暗叫不妙﹐弄傷脊骨不是開玩笑的。可是才下水﹐總不成就放棄吧﹖忍著劇痛起帆。起了沒用﹐收帆、upwind也要用腰力﹐就是不能盡收﹐很痛。那天在燈塔外面的風很順﹐水面很平﹐我就是去不了。

回家還是痛。睡過一覺還是痛。第二天一早不上班﹐先去看跌打。以為九時半開門﹐原來是十時﹐加上師傅遲到﹐我在門外等了很久。師傅推拿過後好像舒緩一些。師傅在患處貼上很大一塊膏藥﹐黑色的﹐貼後初時挺涼快﹐之後傳出陣陣苦藥味﹐害得我頗尷尬。那幾天連從椅子站起來都要用手扶桌。第一天看跌打之後回公司己是十二時許。回想起來﹐那天該請病假。我較大部份請病假的同事更有理由。但見早上去覆診要花半天﹐之後幾次我都挑晚上﹐還要準時放工後才去﹐弄得自己很趕。真笨。

【待續】

吹水之極致

呢個網頁會自動整一篇合文法合格式嘅後現代論文出來﹐重有埋Reference添。Refresh又會整另一篇出來﹐次次唔同架。
http://www.elsewhere.org/pomo

呢篇文章係Alan D. Sokal教授寫嘅﹐刊登在學術期刊上。題目係〈Transgressing the Boundaries: Towards a Transformative Hermeneutics of Quantum Gravity〉。特別之處在於呢篇文完全係吹出來﹐亂噏嘅。
http://www.physics.nyu.edu/faculty/sokal/transgress_v2/transgress_v2_singlefile.html

變幻無常更為美麗

朝早多數坐村巴。村巴開收音機﹐聽邊個台就唔同司機有唔同選擇。唔只一次聽到呢段獨白﹕這樣的ＸＸ是美麗的﹐但變幻無常更為美麗。

同意呀﹐變幻無常更為美麗。

今日睇blog﹐見到呢段詩。
They're both convinced
that a sudden passion joined them.
Such certainty is beautiful,
but uncertainty is more beautiful still.

"Love at First Sight" - Wislawa Szymborska

再上網搵搵﹐發現幾米《向左走.向右走》有引用呢首詩。
他們彼此深信
是瞬間迸發的愛情讓他們相遇。
這樣的確定是美麗的，
但變化無常更為美麗。

史上最短小說

得主係Augusto Monterroso嘅«El dinosaurio»：
Cuando despertó, el dinosaurio todavía estaba allí.
譯﹕他醒來時﹐那恐龍仍在。

得七個字﹗有晒人物﹑衝突﹑背景﹑發展。

麥嘜嘅“從前，有個小朋友不聽話，有一天，他死了。”﹐相比之下差大遠啦。